Ssaabasajja Kabaka asiimye Omupiira gw'empaka z'Amasaza ogw'akamalirizo guzannyibwe nga 4 March, 2023, mu kisaawe e Wankulukuku, wakati wa Buddu ne Busiro. So nga ebika bya 11 March, 2023, wakati w'Olugave n'Endiga, abasajja, ate abakazi Engeye n'Emmamba Gabunga. Obuganda bujja kuyingirira ku 10,000/=, ne 20,000/= ku mipiira gyombi.
Bino birangiriddwa Oweek. Henry Ssekabembe Kiberu, Minisita w''Abavubuka, Emizannyo n'Okwewummuza, mu lukungaana lwa bannamawulire, olubadde ku Bulange, enkya ya leero.
