Kaweefube ono amutongolezza Masuuliita mu Busiro, oluvannyuma lw’okulambula abalimi, n’akkaatiriza nti omwaka guno, Obwakabaka bwa kussa essira ku: Bwegassi; Okunywa kaawa; Abakyala n’Abavubuka, n’okutumbula ennima ey’omulembe.
Oweek Hajjat Mariam Mayanja, akubirizza abakyala okwenyigira mu bibiina by’obwegassi baganyulwe mu nteekateeka z’Obwakabaka, balwanyise obwavu. Asabye n’abantu okusimba emiti okutaasa obutondebwensi.
Oweek. Haji Amis Kakomo, assuubizza okwongera okutwala kaweefube wa Mmwanyi Terimba mu maaso, obutaddirira.
Prof. Julius Zzaake kulwa Ssentebe wa Bboodi ya BUCADEF, agambye nti ettaka likaddiye nnyo n’akubiriza abantu okuliriikiriza, okusobola okulifunamu.
