Owek. Robert Serwanga Ssaalongo ng'ayogerako eri abakulembeze b'Abavubuka
Minisita w'Abavubuka mu Buganda, Owek. Robert Serwanga Ssaalongo, ng'asinziira mu Bulange e Mengo, atongozza enteekateeka y'olunaku lw'Abavubuka olugenda okukuzibwa nga 16 Museenene omwaka guno mu Lubiri e Mengo.
Minisita alambuludde ebijaguzo eby'enjawulo ebigenda okuteekebwako essira mu kukuza olunaku luno omuli:
- Omwoleso gw'Emirimu gy'Abavubuka egy'enjawulo,
- Empaka z'Eggaali z'Amasaza,
- Ekigwo,
- Omupiira wakati w'Ebibiina by'Abavubuka eby'enjawulo,
- Okuvuganya mu nnyimba n'amazina, n'enteekateeka endala.
Owek. Serwanga ng'ali n'abakulembeze b'Abavubuka ku Bulange, Mengo
Bino byonna byesigamiziddwa ku mulamwa "Obukugu, Obuyiiya n'Ebitone ku lw'Enkulaakulana y'Abavubuka".