Owek. Israel Kazibwe Kitooke ng’ateeka ebimuli ku ssanduuko y’omugenzi
Okusabira Cedric Babu: Katikkiro Akubagizza Abooluganda
Katikkiro Charles Peter Mayiga akubagizza Capt. Francis Babu olw’okufiirwa mutabani we — munnabyamizannyo, munnamawulire era munnabyabufuzi Cedric Babu Ndilima.
Cedric Babu yafiira Nairobi mu Kenya, gy’ayaddusibwa okuva e Rwanda ng’embeera y’obulamu etabuse.
Obubaka bwe obw’okusaasira abutisse Minisita w’Amawulire n’Okukunga Abantu, era Omwogezi w’Obwakabaka, Owek. Israel Kazibwe Kitooke, amukiikiridde mu kusabira omwoyo gw’omugenzi mu Lutikko e Lubaga.
Nnabagereka Sylvia Nagginda y’omu ku beetabye mu misa y’okusabira omugenzi Cedric Babu Ndilima e Lubaga.
Katikkiro agamba nti omugenzi akoze ebintu bingi mu muzannyo gwa tennis, ebyemizannyo ebirala n’amawulire, era alese eky’okulabirako eri abalala — ate ng’aliko ne baakutte ku mukono okubasitula.
Captain Francis Babu yebazizza Omukama olw’ekirabo kya Cedric Babu, gwayogeddeko nti abadde mwana mukozi era Omuwulirize.
Missa eno yetabiddwako Nabagereka Silivia Nagginda, abakungu okuva mu Bwakabaka ne Government, n’abantu abalala bangi.