Nnaabagereka ng'awa obubaka obw'okusaba abantu okukwatira awamu okuyamba abeetavu
Nnaabagereka Sylvia Nagginda agamba nti obwetaavu bw'abantu bungi, era buli muntu alina omukisa okuyamba asobola okukola ekintu ekitono naye ekirina amakulu. Agamba nti bwe tukwatira awamu, tulina enkizo ey'okuleeta enkyukakyuka mu bulamu bw'abo abalina obwetaavu obw'enjawulo.
Okwongera bino, Nnaabagereka abadde ku ssomero lya bakiggala e Masaka gy'agguddewo ekifo omusomesezebwa ebyuma bikalimagezi. Ekifo kino kigendereddwaamu okwongera amagezi ku baana bakiggala, okubayamba okutambuza obulamu obwa bulijjo n'okutumbula obukugu bwabwe.
Essomero lino lyatandikibwawo Omuk. Francis Kamulegeya, Ssentebe wa bboodi ya Buganda Land Board, era kati limaze emyaka 20 nga libangula abaana bakiggala. Nnaabagereka yebazizza nnyo abakozi b'ekifo kino olw'omulimu omunene gwe bakola mu kuyamba omwana w'eggwanga. Era agamba nti abantu bwe bakwatira awamu okuyamba abeetavu, kiyamba okukulaakulanya Eggwanga.
Nnaabagereka asaba buli muntu okwetegereza ebwetaavu ebirimu mu bitundu gye babeera, n'okukola ekyo ekisoboka okuyamba, kuba buli ky'okolawo kiyamba okwongera essuubi mu bulamu bw'abeetavu.
Obubaka bwa Nnaabagereka buteereddwawo okulaga obukulu bw'okuba obumu mu kuyamba n'okutumbula obulamu bw'abo abalina obwetaavu, era kyakulabirako eri buli omu nti okukola ekitono kisobola okuba n'omugaso omungi mu bulamu bw'abantu.