Nnaabagereka Sylvia Nagginda nga awadika mu kitabo ky’abagenyi ku ssomero.
Nnaabagereka Sylvia Nagginda alambudde leero abasaakaate mu Ekisaakaate 2026 ekigenda mu maaso ku ssomero lya Hormisdallen e Gayaza.
Mu kulambula kwe, Maama Nnaabagereka ayogedde n’abaana, nga bamutegeeza ku bimu ku byabwe bye baakasomako mu kiseera kino, n’abakuutira okussaayo omwoyo mu byonna bye bayigira.
Maama Nnaabagereka era asabye abasaakaate okuteeka mu nkola ebyo bye bayigira nga bamaze okuddayo e waka, ng’agamba nti ebyo byonna bitumbula obuntu bulamu bwabwe.
Maama Nnaabagereka asabye abaana okussaayo omwoyo ku byabwe bye bayigira mu kiseera kya Ekisaakaate 2026.
Minisita w’Enkulaakulana y’Abantu n’Ensonga za Woofiisi ya Nnaabagereka, Owek. Choltilda Nakate Kikomeko, yeebazizza Nnaabagereka olw’okutandika n’okulengera e wala Ekisaakaate, nga agamba nti kigendereddwa mu kubangula abaana mu nsonga z’obuntu bulamu basobole okufuuka abantu ab’omugaso eri eggwanga.
Olw’embeera y’ebyobufuzi eriwo mu ggwanga, Ekisaakaate kya Nnaabagereka ku luno kigenda kumala ennaku kkumi zokka.