Nnaalinnya Gertrude Catherine Tebattagwabwe nga bwa abadde alabika
Bulange – Mmengo:
Katikkiro Mayiga awanjagidde Obuganda okukungubaga Nnaalinnya eyawummuddwa mu myaka 80 nga bwe bamutegekedde akabaga.
Katikkiro wa Buganda, Owek. Charles Peter Mayiga, abikidde Obuganda nga Nnaalinnya Gertrude Catherine Tebattagwabwe afudde, ng’agambye nti yabadde amaze ebbanga ng’alwadda, wabula ng’afuna obujjanjabi obumugwanira.
“Nnaalinnya Gertrude Tebattagwabwe abadde omukyala anyiikira mu nsiitaano z’Obwakabaka. Okuva Kabaka lwe yattikirwa, yabadde alabika bulijjo ku mikolo gy’enjawulo egy’Obwakabaka n’egya Lulyo Olulangira. Turummusiddwa nnyo,” bwe yagambye Katikkiro Mayiga.
Yategeezezza nti Nnaalinnya afudde nga yaakamalako emyaka 80, mu kiseera nga famire ye yabadde etegeka akabaga k’okujaguza amazaalibwa ago.
Nnaalinnya Tebattagwabwe abadde Mubejja asibuka mu lulyo lw’omugenzi Ssekabaka Daudi Chwa II.
Katikkiro yagambye nti enteekateeka z’okuziika zijja kutegeezebwa Obuganda mu kiseera ekituufu.
“Gutusinze nnyo, Ayi Ssaabasajja Kabaka. Twakuumye bubi!” Owek. Mayiga bw’agasseeko mu kitibwa.