Katikkiro ng’ayanirizibwa Minisita Mohammed Khalifa Al Mubarak
Katikkiro era yakyalidde kkampuni ya Fakhruddin, eyasuubizza okukolagana n’Obwakabaka n’ewaayo ensimbi za doola 1,000 okuwagira emirimu gya Kabaka.
Katikkiro wa Buganda, Oweek. Charles Peter Mayiga, asisinkanye Minisita w’eby’enfuna n’ebyobulambuzi mu gavumenti ya Dubai, Mohammed Khalifa Al Mubarak, n’amunnyonnyola ku mikisa egiri mu Bwakabaka egyinza okweyunirwa gavumenti ya UAE n’abannansi baayo.
Ensisinkano eno yabadde ku kitebe kya ministeri mu kibuga Dubai. Katikkiro yannyonnyodde obusobozi bwa Buganda mu by’obusuubuzi n’ebyobulambuzi, ate Minisita Mohammed n’asuubizza okuzimba olutindo olw’enkolagana wakati wa UAE, Buganda n’eggwanga lya Uganda lyonna.
Katikkiro ng’ali ne ba Minisita ba Kabaka; wakati ye Minisita w’ebyobulambuzi wa Dubai
Ensisinkano eno yetabiddwamu ne Ambassador wa Uganda mu UAE, Hon. Zaake Wannume Kibedi, eyategeezezza nti UAE ye nsinga enkulu mu kugula ebintu okuva e Uganda, era ebisinga ku bino by’ebyobulimi.
Okukyala ku kkampuni ya Fakhruddin mu Dubai
Nga bakyali mu lugendo lwabwe e UAE, Katikkiro n’eggye lye bakyalidde kkampuni ya Fakhruddin e Dubai. Kkampuni eno yabayiseemu nga balaga engeri gye bakozesa tekinologiya y’omulembe mu by’okuzimba, nga mu ngeri emu ekisobozesa okutwala ddala omuzindaalo ogw’amasanyizo g’omu nnyumba yonna.
Era balaga engeri gye bakozesa tekinologiya y’okukuuma obutonde, nga bapangisa ebisawo bya pulasitiki n’ebbottles okufuuka ebintu ebirala eby’omugaso.
Katikkiro n’aba Minisita ba Kabaka nga bali ne bakulembeze ba kkampuni ya Fakhruddin
Kampuni ya Fakhruddin yasuubizza okukolagana n’Obwakabaka okulaba nga tekinologiya eno egya mu Buganda eganyula abantu ba Kabaka. Era ne bawaayo ensimbi za doola 1,000 okuwagira emirimu gya Buganda.
Mu lugendo luno, Katikkiro yabadde awerekeddwako ba minisita ba Kabaka okuli Oweek. Joseph Kawuki, Hajji Amis Kakomo n’Oweek. Robert Sserwanga Ssaalongo, Sheikh Abbas Nsubuga (Ambassador wa kitundu mu b’Arabia), awamu ne bannamateeka be abalala abangi.