Katikkiro ng'atuuse ku Kisaawe Entebbe
Mu kwogerako eri Bannamawulire ku Kisaawe Entebbe, Owek. Mayiga ategeezeza nti ensonga enkulu eyabatwala e Bulaaya kwe kulaba ng'abantu ba Ssaabasajja ababeera mu Bulaaya bamanyisibwa ebifa eka, okumanya embeera gye balimu ku mawanga n'okwongera okubakumaakuma nga bali bumu.
Eno waatongozeddwayo ttabamiruka wa Buganda mu Bulaaya okwongera okutuukiriza bino.
"Twagala okukkaatiriza ensonga y'Abantu baffe okusiga ensimbi mu Bulaaya, kubanga akatale kagazi n'ensimbi zaabwe nnungi bw'ogeraageranya n'eza wano" Katikkiro.
