Omutaka Ndugwa asooke ku dyo ne Katikkiro, mu maka g'omutaka e Makindye
Katikkiro wa Buganda, Charles Peter Mayiga, alambudde ku mukulu w'Ekika ky'Olugave, Omutaka Ndugwa Ssemakula Grace, mu maka ge e Kibuye, Ggombolola ya Makindye Mut. III.
Mu lukuŋŋaana luno, Katikkiro yatenderezza emirimu egy’enjawulo Omutaka gy’akoledde Obwakabaka, naddala mu kaweefube w’okuzaawo Obwakabaka n’okuzza ebintu bya Buganda eby'enjawulo.
Katikkiro nga ayanirizibwa mu maka g'omutaka Ndugwa wamu n'Owek. Anthony Wamala
Omutaka Ssemakula Grace amaze ebbanga ng’alumbibwa obulwadde, era Owek. Mayiga yebazizza nnyo abamulabirira n’asabira Katonda okumukuuma.
Katikkiro yabadde awerekeddwa Minisita w’Obuwangwa n’Ennono, Owek. Dr. Anthony Wamala.