Wano aba famire nga bakwasa Minisita Choltilda Nakate Kikomeko ebitabo ebyo.
Famire y’omugenzi John Baptist Mubiru etonedde Ssetendekero ya Muteesa I Royal University ebitabo ebyenjawulo ebikwata ku by’ebyobulimi. Ebitabo bino bibayisiddwa mu Minisita w’Enkulaakulana y’Abantu era ne bikwasa Minisita Choltilda Nakate Kikomeko ku Bulange e Mmengo.
Meere Mubiru Ndagire okuva e Busiro alombozze olugendo lw’omwami we kati omugenzi, John Baptist Mubiru, eyawandiika ebitabo bino. Agambye nti yasoma amasomo g’ebyobulimi e Makerere, oluvannyuma n’agenda mu America n’ayongera okusoma, ekyamufuula omukugu mu by’ebyobulimi, n’atuuka n’okuwandiika ebitabo bino. Famire egambye nti basazeewo okubiwaayo eri Ssetendekero y’Obwakabaka nga baluubirira okugabana amagezi ag’ekikugu agawandikibwa omugenzi Mubiru galeme kufa ttoggo.
Minisita w’Enkulaakulana y’Abantu asiimye nnyo ebitabo ebiweereddwa Obwakabaka, n’agamba nti bya muwendo nnyo era bijja kuyamba abayizi abagendo okutandika okusoma amasomo g’ebyobulimi ku Muteesa I Royal University, bafuuke bakugu mu by’obulimi.
Minisita Nakate era alaze nti okutandika kw’amasomo g’ebyobulimi kwetongodde nnyo ku nsonga y’ebitabo, n’asiima famire olw’okuteereka ebiwandiiko eby’omuwendo okumala ebiseera byonna. Agambye nti ebiwandiiko tebivunda, era n’akoowoole abantu ba Ssaabasajja abalina ebiwandiiko eby’omugaso okubiwaayo eri Obwakabaka.
Omwami w’Esaaza Busiro, Ssebwana Charles Kiberu Kisiriza, akulembeddemu abagenyi b’Embuga, asiimye nnyo omulimu ogwakolebwa omugenzi John Baptist Mubiru gw’okuleka amagezi ag’ensibo okuyita mu kuwandiika ebitabo, ekigamba nti kijja kuyamba nnyo abayizi b’omulembe ogutebi.
Yagambye nti, “Investment omukulu omugenzi gwe yateeka mu kunoonyereza ku by’obulimi ya maanyi nnyo, kubanga si mu kifo kimu wabula mu mawanga ag’enjawulo. Olw’ensonga eyo, kino kijja kuyamba nnyo abayizi b’omulembe guno, naddala nga Ssaabasajja Kabaka baagala nnyo okunyigira mu by’obulimi, omuli obulimi bw’emmwanyi n’ebirime ebirala.”