Owek. Sserwanga (kkono), Minisita w’Eby’emizannyo mu Buganda, ne Owek. Prof. Twaha Kaawaase Kigongo (ddyo), Omumyuka Asooka owa Katikkiro era Ssentebe w’Olukiiko oluteekateeka Emisinde gy’Amazaalibwa ga Kabaka.
Omumyuka Asooka owa Katikkiro, Owek. Prof. Twaha Kaawaase Kigongo, era nga ye Ssentebe w’Olukiiko oluteekateeka Emisinde gy’Amazaalibwa ga Kabaka, ategezezza nti emisinde gino gijja kutongozebwa nga 18 February 2026, ate giddukibwe nga 12 April 2026, ng’enkeera y’ennaku ezo kwe kujaguza Amazaalibwa ga Ssaabasajja Kabaka ag’emyaka 71.
Owek. Kaawaase abadde ayogera mu lukiiko olusoose olutuuziddwa leero, ng’olukiiko luno lwabadde lukuba ttooci ku nteekateeka y’emisinde gy’omwaka oguwedde, okulaba ebyatambula bulungi n’ebyalemeredde, n’ekigendererwa eky’okulongoosa enteekateeka z’omwaka guno.
Yagambye nti okulambula obukodyo obwasooka okukozesebwa kujja kuyamba okwongera okutegeka emisinde mu ngeri ennungi, nga kigendereddwamu okwongera ku bungi bw’abetaba, obukuumi n’enteekateeka zonna ezikwata ku ddukiro lino ery’eby’omuwendo mu Buganda.