Buddu nga ewanika ekikopo, essanyu katono litte bannabuddu
Buddu ye Nantameggwa w'Empaka z'Amasaza 2024 bwekubye Kyaggwe 1-0, gool eteebeddwa Walaga mu kitundu ekisooka.
Namboole awuuma! Baminisita ba Kabaka,ba Jjajja , Abataka, abakungu, n'abaami ba Kabaka ku mitendera egy'enjawulo baatuuse dda nga bajulizi b'omukwano ng'enkizo y’amasaza y'akatemagana wakati wa Buddu ne Kyaggwe.
Guno mulundi gwa kusatu nga Buddu esitukira mu kikopo kino.
Kabaka nga awubiira ku bantu be
Ssaabasajja Kabaka atuuse e Namboole okulaba omupiira ogw'akamalirizo wakati wa Buddu ne Kyaggwe, ng'ayaniriziddwa Katikkiro, Minisita Ssaalongo Robert Sserwanga, Oweek Joseph Kawuki, Pookino, Kaggo, n'abakungu abawerako.