📸 Paapa Francis, eyafudde ku myaka 88, ajjukirwa olw’obwetoowaze n’okusaasira
Tulangirira n’ennaku ey’amaanyi okufa kw’Omutukuvu Paapa Francis, eyatwaliddwa Katonda ku myaka 88.
Twenyumiriza mu mukululo gw'obuntubulamu, okusaasira, emirembe n’obwenkanya — empisa z’eyimiriddeko mu buweereza bwe bwonna. Ebirowoozo n’okusaba kwaffe biri wamu n’Eklezia mu Uganda n’ensi yonna.
Mukama amuwe ekiwummulo ekitaggwaawo.
Katikkiro wa Buganda, Owek. Charles Peter Mayiga, asabye abakulembeze okubaako bye bayiga ku bulamu bwa Paapa Francis — naddala obwetoowaze bwe, kaweefube w’okutabaganya abantu, obutasalira balala misango, obuwangwa n’okussa ekitiibwa mu buli muntu.
📸 Katikkiro wa Buganda, Owek. Charles Peter Mayiga, nga akubiriza abakulembeze okukoppa obulamu bwa Paapa Francis — obw’obwetoowaze n’okutabaganya abantu
Bino Katikkiro yabyogedde ng’akkiriza oluwalo okuva mu bantu ba Kabaka abakiikiridde amagombolola okuli Kyaggwe, Buddu, Ssingo, Mawogola ne Kyaddondo.
Ekibinja kino kyayanjudde obuyambi obusoba mu bukadde 74. Katikkiro yebazizza olw’omukwano n’okuwagira emirimu gy’Obwakabaka, n’abakubiriza okwongera okwewaayo n’okutambulira awo, n’agamba nti mu bumu n’obuweereza, Buganda ejja kuddamu okusituka.