Amasomero okuva mu Ssaza Busiro gakiise Embuga n'oluwalo olw'ensimbi ezisobye mu bukadde 16

Oweek. Noah Kiyimba ku lwa Katikkiro, yatikudde oluwalo luno era yeebaziza nnyo abakulira amasomero agakiise Embuga olw'okuwagira emirimu gy'Obwakabaka naye okusingira ddala okusiga ensigo mu baana abato okwagala Eggwanga lyabwe ate n'okumanya Obuwangwa n'Ennono zaabwe.

Ababadde beebaziddwa olw'okwanukula okusaba kwa Beene okw'okusomesa abaana nga kino kiyamba okutangaaza ebiseera byabwe eby'omumaaso, ate bbo abayizi babakuutidde okufaayo ennyo ku bibasomesebwa naddala eby'emikono kubanga bibawa obukugu obw'enjawulo bwe basobola okweyambisa okwetandikirawo emirimu.