Wano ng’olukiiko oluggulawo omwaka nga luttudde mu Bulange.
Akakiiko akakebera n'okutangira obulwa mu by’ensimbi mu Bwakabaka (Buganda Audit and Risk Committee – BARC) katudde leero mu Bulange e Mmengo mu lutuula lwako olusembayo olw’omwaka 2025.
Olutuula luno, olukubiriziddwa Ssentebe w’akakiiko era Omumyuka Asooka owa Katikkiro, Owek. Prof. Twaha Kaawaase Kigongo, lukubaganyiza ebirowoozo ku bitabo by’Eggwanika lya Buganda ssaako n’Alipoota ya Kalondoozi w’Obwakabaka ku nzirukanya y’emirimu mu Ssetendekero wa Muteesa I Royal University.
Eggwanika lya Buganda likulembeddwa Omumyuka Owookubiri owa Katikkiro era Omuwanika wa Buganda, nga yawerekeddwako Omubazi w’ebitabo omukulu, Omuk. Joseph Mugagga, wamu n’aba kalondoozi b’ebweru okuva mu Jasper and Semu Certified Public Accountants.
Abatabye ku ludda lwa Muteesa I Royal University:
- Owek. Choltilda Nakate Kikomeko, Minisita w’Enkulaakulana y’Abantu
- Omuk. Ssebbowa Frank, Ssentebe wa Bboodi ya Ssetendekero
- Omuk. Prof. Vincent Kakembo, Ssenkulu wa MRU
- Wamu n’abalala abaweereza ku lukiiko oluddukanya Ssetendekero
Abalala abeetabye mu lutuula luno:
- Omuk. Stephen Kateregga, Amyuka Auditor General wa Gavumenti eya Wakati era mmemba w’akakiiko
- Omuk. Samwiri Njuki
- Omuk. Andrew Kalule, Kalondoozi w’Obwakabaka era ayanjudde alipoota eri olukiiko
- Omw. Daniel Lukabwe, Omuwandiisi w’ebiteeso ku kakiiko era Omukebezi w’Ebitabo ow’omunda mu woofiisi ya Kalondoozi