Owek. Clotilda Nakate Kikomeko ng’ayaniriza abayizi okuva mu Gombe SS
Abayizi ba Gombe SS - Kibibi bakiise Embuga nga baleese ensimbi akakadde kamu okuwagira emirimu gy'Obwakabaka.
Minisita w’Ebyenjigiriza mu Buganda, Owek. Choltilda Nakate Kikomeko, yakwasizza abayizi bano ebbaluwa y’okubasiima (‘certificate’) okubebaza era n’okusiima obweyamo bwabwe okutumbula enkola eno gye baasalawo okwenyigiramu buli mwaka.
Owek. Clotilda Nakate Kikomeko ng’akwasa omukulu w’essomero n’abayizi satifikati gye baafunye
Owek. Nakate yebazizza abakulembeze b'essomero lino olw'okugunjula abaana mu ngeri ebaagazisa obuwangwa bwabwe, nga ky'agambye nti kino kiyamba okuteekateeka ebiseera by'omumaaso by’Eggwanga Buganda ebirungi.
Yannyonnyodde nti abaana bano bamalirivu ddala okuba “emiti emito,” abavubuka Kabaka be yalonda okuwangula omulembe gwe. Bakula nga batambulira mu buufu mu kwagala Buganda n’okwewaayo.
Mu bakiise Embuga, mwabaddeyo Bannankobazambogo, abayizi abasoma olulimi Oluganda, n’abalala abaawadde obuwangizi obw’enjawulo.